اشتياق

كم اشتاق لك

كم اشتاق لهمساتنا ، ضحكاتنا ، كلماتنا السريه التى لا يفهمها سوانا

كم اشتاق لأنفاسك ،  لصوتك ، عيناك

كم تناديك دموعى التى ارهقتنى ، تنادى عليك بصرخات مكتومه صرخات مميته

ألا تسمعنى ،

الا يصلك صراخى يا من تشعر بى قبل ان اشعر بنفسى

ألا تشعر بإستغاثاتى

استغيث بك انقذنى ، انى لا أخشى الموت ولا استغيث منه ، فالموت راحه لى حرمنى منها الله ، انى اخشى الحياه بلاك .....

سيدى ، كفاك هجرا ، كفاك بعدا انى والله ما عدت احتمل  ، فأنا بهذه الدنيا يتيمه بلاك ، تذوقت عذاب الحرمان بلاك

والله انى ما عدت احتمل .

ياسمين الفواخرى

......أنا......

سألونى انتى مين؟!

سكت شويه ، و قلتلهم أنا انسانه ، اه انسانه.... ممكن أكون انسانه غير ، أه صح انا انسانه غير ، متقلبه أه ، زعلانه شويه و فى ثانيه فرحانه فى عز الفرح بعيط و فى قلب العياط بضحك ، عايشه الحاله ... يعنى سايبه نفسى لأى احساس يجيلى...

لما بحب بحب بجد و لما بكره ...... مابكرهش ، طيب و أكره ليه ؟ مصممين على الكره يعنى !! طيب حاضر لما بكره ..... برده ما بكرهش ... ما تحاولوش معايا يا ناس ......

أه طيبه بس بلاش والنبى تضايونى و تقولوا هبله ، لا الهبل مش كده ، الهبل لما تلاقونى بشد فى شعرى....اسمها طيبه مش هبل فاهمين ولا لأ !!
و اللى هيولى هبله تانى هوريه الهبل على حق .

عصبيه موت لدرجه تعصب اللى قدامى ، و ياسلام عليا و انا هاديه ، تقولش تلاجه واقفه قدامك ، تتشل منى و من برودى .

متفائله ببكره لدرجة التشاؤم ، و حنينه أوى لدرجة القسوه ،

و فى الاخر ... فأنا رومانسيه جدا ، عايزينى؟؟ تلاقونى وسط الشموع

أدينى جاوبتكوا على سؤالكوا بإختصار ، أى خدمه تانيه؟؟؟!!